Telegram kanal qanday ochiladi va targ’ib qilinadi, u nimaga va kimlar uchun kerak

Assalomu alaykum, aziz o‘quvchilar! Siz bilan yana uzinterbiz.com blogida ko’rishib turganimdan hursandman. Bugun siz bilan Telegram kanal ochish va dastur imkoniyatlari haqida maqolalar seriyasini davom ettiramiz.

Bilasizmi, siz juda ko’p ma’lumotni tushunishga va o’rganishga kirishganingizda, ko’p narsalar mantiqiy, sodda va tushuntirishni talab qilmaydigandek ko’rinadi.

Ammo, biron bir sohada o’z yo’llarini boshlaganlar uchun, bu «oddiy va mantiqiy» narsalar hecham oson tuyulmaydi. Keling, bu maqolamizda, shunday oddiy ko’ringan, lekin o’ziga yarasha sir asrorlari bo’lgan, Telegram kanal ochish va uni targ’ib qilish hamda u kimlar uchun kerakligi haqida gaplashamiz. 

Telegram kanal nima?

Har bir telegram foydalanuvchisi, albatta bir marta bo’lsa ham,  kanal so’ziga ro’para kelgani yoki birorta kanalga a’zoligi  aniq. Har bir foydalanuvchi, Telegramda kanal yaratishi mumkin.

Kanal ochishdan asosiy maqsad, cheksiz odamlar doirasiga kontentni, maqola yoki fotosuratlarni tarqatish. Abonentlar muallif bilan yaqin aloqada bo’lib, tez vaqt ichida, yangi nashrlar haqida xabar olishadi. Shu bilan birga, kanal yaratuvchisi va ma’murlari to’liq yashirinligini saqlab qolishlari mumkin.

Telegram-kanal guruhdan ishtirokchilar soni va kontentni nashr qilish shakli bilan farq qiladi:

1. Guruh ikki yuzdan ortiq odamni qamrab olishi mumkin va barcha ishtirokchilar bu erda administrator huquqlaridan foydalanadilar: ular kanal nomini, fon tasvirini o’zgartirishi, do’stlarini taklif qilishi mumkin.

Agar, guruh obunachilari soni maksimal chegaraga yetgan bo’lsa, u odam faqat boshqasi obunani bekor qilgandan keyin muloqotga qo’shilishi mumkin.

2. Bundan tashqari, super guruhlar ham bor. Ular oddiy guruhlarni kengaytirish jarayonida paydo bo’lishi mumkin. Super guruhlarda funksiyalar kengaytirildi: abonentlarning maksimal soni -5 ming, administratorlar tayinlanishi mumkin, foydalanuvchilar o’zlarining xabarlarini umumiy suhbatdan o’chirib tashlash, kontent qo’shish imkoniyatiga ega.
3. Kanallar alohida yaratiladi va obunalar soni bo’yicha cheklovlar yo’q. Tayinlangan administrator postlarni qo’shishi, o’chirishi va tahrirlashi mumkin va obunachilar uchun fikr-mulohazalar bildirish (sharhlar, xabarlar) imkoni mavjud emas.

Telegram kanalidagi yozuvlar oddiy xabarlar kabi ko’rinadi. Bu foydalanuvchilar tomonidan qadrlanadi, ular muallif bilan ko’proq  aloqada bo’lishadi.

Telegram kanali — bu muallif o’z fikrini bildirishi, maxfiylikni saqlab qolishi, yoki, muhim ma’lumotlarni tarqatish uchun, shaxslar doirasini birlashtirishi mumkin bo’lgan blogdir.

Telegram kanal ochish nimadan boshlanadi

Endi esa, kanal yaratishga kirishamiz. Buning uchun barcha zarur vositalar mavjud.

Telegramda kanal yaratish jarayoni juda oddiy:

• Messenjerni oching va “Настройки” bo’limiga kiring.
• “Создать канал” («Kanal yaratish»)ni tanlang.
• Tegishli maydonlarni to’ldiring: kanal nomi, ta’rifi.
• Kirishni sozlash: ommaviy, xususiy.

Ommaviy kanal barcha foydalanuvchilar uchun qidiruv satrida mavjud bo’ladi , xususiy esa – tegishli havolaga ega bo’lganlar uchun mavjud. U avtomatik ravishda ishlab chiqariladi va yaratuvchiga yuboriladi. Xuddi shu algoritm, shaxsiy kompyuterdan Telegramda kanal yaratish uchun ham ishlatiladi.

Kanal yaratilgandan keyin uni sozlash kerak bo’ladi. Bu, «Настройки» bo’limini ochish orqali amalga oshiriladi. Bu yerda foydalanuvchi:

• Logotipni o’rnatishi
• Nomini o’zgartirishi
• Tavsifini qo’shishi
• Asosiy sozlamalarni o’zgartirishi
• Ishtirokchilarni ko’rishi
• Administratorlarni qo’shishi

Va hokazo ishlarni qilishi mumkin. Kanalni o’chirib tashlash funksiyasi ham mavjud.

Telegram kanalni qanday va qayerlarda targ’ib qilish mumkin

Mana kanalni yaratib va sozlab ham oldingiz. Sizning oldingizda turgan keyingi qadam bu, obunachilarni ko’paytirishdir. Buning uchun siz ma’lum targ’ibot ishlarini olib borishingiz kerak bo’ladi.

Avvalo, Telegram kanalini targ’ib qilish uchun uni sifatli materiallar bilan to’ldirish kerak: maqolalar, rasmlar, audio yozuvlar va boshqalar. Xususan, uchinchi tomon resurslarida va Telegramning rasmiy saytida maxsus kataloglar mavjud:

• Add-groups
• TelegramBots
• ProTelegram

Telegramdagi kanalni reklama qilish, boshqa guruhlar va birjalarda reklama sotib olish orqali amalga oshirilishi mumkin. Xizmat narxi  kerakli obunachilar soniga, mavzuga, reklama formatiga bog’liq. Reklama postlaridan maksimal daromad olish uchun siz, quyidagi qoidalarga amal qilishingiz kerak:

1. Kanalda joylashtiriladigan har bir postga tegishli dizayn bilan yuqori sifatli va qiziqarli matn yozish muhimdir. Bu nafaqat foydalanuvchilarni jalb qilish, balki, qaysi vositani yanada foydali ekanligini aniqlash imkonini beradi.
2. Sotib olingan reklama natijalarini Google Shortener xizmati yordamida kuzatib boring. Bu yerda har bir joylashtirilgan reklamadan qancha odam o’tganini bilib olishingiz mumkin.
3. Kanalni targ’ib qilish vaqtida foydalanuvchilar soniga emas, balki postlarni ko’rganlar soniga ahamiyat qiling.

Shuni ta’kidlash kerakki, barcha servislar sifatli xizmatlarni taqdim etmaydi (firibgarlar ham bor). Bundan tashqari, agar, robotlar nakrutka topsalar, kanal bloklanadi. Agar siz, Telegram kanalida obunachilarni nakrutka orqali orttirsangiz ham, darhol muvaffaqiyat kutmasligingiz kerak.

Odatda, obunachilar, mashhurlik ko’rinishini yaratish uchun sotib olinadi. Lekin, kanal haqiqatdan ham muvaffaqiyatli bo’lishini istasangiz, noyob, qiziqarli kontentlarni joylashtirishingiz kerak.

Xulosa

Ko’rib turganingizdek, Telegram messenjerining  mashhurligi kundan kunga ortib bormoqda. Chunki, u nafaqat xabar almashish uchun xavfsiz va bepul vosita, balki ajoyib marketing vositasi hamdir.

Lekin, Rossiyada Telegram bugungi kunda, ba’zi manbalarga ko’ra, eng mashhur messenjer emas. Shunga qaramay, uning auditoriyasi reklama uchun yuqori sifatli va jozibador hisoblanadi.

Biroq, ushbu statistikadan qat’iy nazar, Telegram axborotni tarqatish uchun qulay bo’lgan bir qator funktsiyalarga ega. Ko’plab rus ommaviy axborot vositalari va mashhur bloggerlar allaqachon kanallarning qulayligini ta’kidlab o’tishdi.

Siz ham yuqoridagi ma’lumotlardan foydalanib o’z kanalingizni, biznesingizni yoki brendingizni rivojlantirasiz degan umiddaman.

Bugun sizlarga, Telegram haqida bermoqchi bo’lgan ma’lumotlarim shulardan iborat edi. Savollar bo’lsa, izohlarda qoldiring, albatta javob beraman. Blogimizdan uzoqlashmang!

 Hurmat bilan, Tuychiyeva Malika