Qanday qilib saytning semantik yadrosini to'g'ri tuzish kerak

Saytning semantik yadrosi qanday tuziladi

Salom hurmatli seoshniklar!

Bugun men juda muhim mavzuni tahlil qilishga qaror qildim. Biz qanday qilib saytning semantik yadrosini to'g'ri tuzish, uni guruhlarga bo'lish va keraksiz, yaroqsiz so'rovlardan tozalash haqida gaplashamiz. Agar siz semantik yadro nima ekanligini bilmasangiz, Semantik yadro nima va u veb -sayt targ'ibotiga qanday ta'sir qiladi? nomli materialni diqqat bilan o'qib chiqishni maslahat beraman.

Semantik yadro oddiy so’zlarda

Semantik yadro — bu saytingiz mavzusini aniqlaydigan so'zlar va so'z birikmalari. Qoidaga ko’ra u, siz resursingizni to’g’ri to'ldirishda ishlatilishi kerak bo'lgan kalit so'zlar to'plami. Semantik yadro tuzilgach, fayl texnik topshiriq (TT) bilan shug'ullanadigan shaxsga beriladi. U har bir kalit so’zga alohida texnik topshiriq (TT) tayyorlaydi va TT ni maqola yozish uchun koperayterga beradi. Koperayter esa, TT dagi kalit so’zlar va iboralarni matnga to'g'ri joylashtirgan holda maqolani yozadi.

Tijorat saytlari uchun ham bu zanjir deyarli bir xil bo'ladi.

Ikkala holatda ham, kalit so'zlar sayt meta teglarida yoziladi. Bu veb -resursni qidiruv tizimlarida malakali targ'ib qilishning zarur shartlaridan biridir.

Siz, ehtimol, bu so'zlar va iboralar foydalanuvchilarning qidiruv tizimlarida qidirayotgan narsalariga bog'liqligini taxmin qilgan bo’lsangiz kerak albatta. Ya'ni, agar biz «chiroyli divan sotib olish» va «divan do'konlari» so'rovlarini misol qilib oladigan bo'lsak, ulardan biri uchun so’rovlar soni (chastota) yuqori bo'lishini taxmin qilishimiz mumkin. Shunga ko'ra, qidiruv tizimlari sizning resursingizni so’rov natijalarida ko’rsatishi uchun, divan sotish bilan shug’ullanuvchi onlayn-do'kon sayti ma’lumotiga “Chiroyli divan sotib olish” kalitini qo’shish kerak bo’ladi.

Semantik yadro yoki semantika — bu ko'p turdagi so'rovlar ro'yxati bo'lib, odatda ma'lum bir turga ko'ra guruhlarga bo’linadi. Bunday guruhlarga bo’linishi klasretizatsiya deyiladi va deyarli barcha mutaxassislar semantikani klasterizatsiya qilishadi, ya’ni guruhlarga ajratishadi. Bu nafaqat yaxshi TT tuzishga, balki aynan qaysi turdagi so’rovlarni ilgari surilishini aniqlashga yordam beradi.

Semantik yadroni tuzish usullari

Key Kollektor

Semantikani tuzish uchun biz, semantik yadroni tuzish uchun mo’ljallangan dasturlardan foydalanishimiz mumkin. Ulardan ba'zilari sizning o’rningizga deyarli barcha ishni bajaradi – bunday dasturlar avtomatik deb ataladi. Ba'zi dasturlarda esa, siz ko'proq mustaqil ishlashingizga to’g’ri keladi.

Masalan, Key Kollektor deb nomlangan pullik dastur mavjud. Garchi bu dastur deyarli to'liq avtomatlashtirilgan bo'lsa-da, siz Key Kollektorni qanday sozlashni bilishingiz kerak. Ishga tushirganingizdan keyin, bu dastur barchasini o’zi avtomatik ravish bajaradi. Siz faqat, ishning oxirida, kalitlardan eng foydasizlarini olib tashlashingiz, ya’ni so'rovlarni ozgina tozalashingiz kerak, tozalashga, robotlar, spam va hokazolarning so'rovlari kiradi. Bunday dasturning narxi deyarli 2000 rublni tashkil qiladi.

Yandex Wordstat

Bundan tashqari, Yandex — Wordstat xizmatidan foydalanib, semantikani to'plashingiz mumkin. Foydalanish juda oson, siz kalit so'zni kiritib qidiruv tugmasini bosasiz, u sizga ushbu kalit mavjud bo'lgan barcha so'rovlarni ko'rsatadi. Shu bilan birga Wordstat, asosiy kalitga o'xshash so'rovlarni ham ko'rsatadi.

Sayt yadrosini tuzishda wordstatdan qanday foydalanish kerak

Ushbu maqolada, Wordstat yordamida, asosiy semantik yadroni tuzishimiz uchun kerak bo’ladigan boshlang’ich so’rovlarni yig'amiz. Bu haqda keyinroq, lekin hozircha men sizga semantikani to'plashning yana bir qancha usullarini aytib o’taman.

Yandex Wordstat + SlovoYob

SlovoYob — bunday antiqa ismli dastur Key Kollektor-ning mutlaqo bepul analogidir. Tabiiyki, unda KeyKollektorga qaraganda biroz kam funksiyasi bor, lekin shu funksiyalar ham, semantik yadroni yig'ish uchun etarli.

Agar siz SlovoYob -ning Key Kollektor -dan qanday farq qilishini bilmoqchi bo'lsangiz, ushbu jadvalga qarang:

SlovoYob va KeyKollektorning farqi

Albatta, bu erdagi farq –yer bilan osmon qadar. Biroq, oddiy yadroni yig'ish uchun SlovoYobning imkoniyatlari etarli.

Onlayn xizmatlar

Shunday qilib, yuqoridagi variantlarga qo'shimcha ravishda, semantikani onlayn xizmatlar yordamida yig’ish ham mumkin. Agar siz qidiruvga “Сбор семантики онлайн” so'rovini kiritsangiz, qidiruv tizimi sizga har xil turdagi onlayn vositalarni ko’rsatadi. Ular ham yaxshi, ham yomon bo'lishi mumkin. Va shunga ko'ra, ham pulli, ham bepul.

Turli xil onlayn xizmatlar yordamida siz, raqobatchilarning semantik yadrosini bilib olishingiz mumkin. Dunyoda deyarli barcha kompaniyalar raqiblarining ochiq ma'lumotlarini tekshiradilar, tahlil qiladilar.

Mutaxassislarga buyurtma berish

Mutaxassisdan tayyor yadroni sotib olishingiz mumkin. Mutaxasis barcha so’rovlarni yig’adi va so’rovlar yig’ilgan faylni sizga topshiradi. Va bu fayldagi kalit so’zlar asosida, maqola yozish uchun texnik topshiriq (TT) tayyorlanadi. Va tayyor TT, maqola yozish uchun koperayterga beriladi. Bu endi, ishlarni taxsimlashga kiradi. Biz bu mavzuga bugun tegmaymiz, boshqa maqola doirasida ko’rib chiqamiz.

Semantikani tuzish shartmi?

Agar siz ushbu maqolani o’qiyotgan bo'lsangiz, demak sizni ham bu savol qiziqtiradi. Semantikani yig'ish dastlab juda qiyin vazifa bo'lib tuyuladi. Qolaversa, ba’zi vebmasterlar buning nima uchun zarurligini har doim ham tushunishavermaydi.

Agar biz pul topish uchun yaratilgan blog yoki sayt haqida gapirayotgan bo'lsak, unda bunday loyihalar mualliflarida “aslida qaerdan ilhom olish kerak va umuman nima haqida yozish kerak” degan oqilona savol tug’iladi. Agar sizda barcha mavzular va kalit so'zlar yozilgan tayyor elektron jadval bo'lsa, unda siz o'z materialingizni nima haqida yozishni aniq bilasiz. Bu yondashuv nafaqat tezlikni sekinlashtirishga, balki uni oshirishga ham imkon beradi, chunki keyingi maqolaning mavzusini o'ylab, bosh qotirishingiz shart bo’lmaydi. Faqat ro'yxatdagi mavzulardan birini tanlab, materialni qanday yozishni o'zingiz hal qilishgina qoladi xolos.

Shunday qilib, sizning barcha maqolalaringiz (agar matn to'g'ri yozilgan, kalit so’zlar joyida va to’g’ri ishlatilgan bo'lsa) qidiruv tizimlarida yaxshi o’rinni egallaydi, bu esa loyihangizga tashrif buyuruvchilar sonini ko’paytirishni ta'minlaydi va sizga yangi marralarni egallashga motivatsiya berib, qiziqishingizni oshiradi. Quvonarli, to’g’rimi? Bu quvonchlarning barchasi, yig’ish uncha ko’p vaqtingizni olmaydigan bitta element – semantika tufaylidir.

Agar biz tijorat saytlari (lending, onlayn-do'konlar va h.k.) haqida gapiradigan bo'lsak, semantik yadroni yig'ish bu, zaruriyat. Ochig'ini aytganda, semantikasiz boshqa hech qanday yo'l yo'q, yaxshisi bunday saytni ochmagan ma’qul. Resursni kontent va meta teglar bilan to'ldirishda ham, kontekstli reklama berishda ham, bizga albatta semantika kerak bo’ladi, biznesimizning rivojlanishi faqat shunga bog’liq.

Bitta SlovoYobning o’zi, butun semantikani yig’ishga kamlik qiladi. Agar biz biznesimizni to’laqonli rivojlantirishni, semantikani to’liq tuzishni istasak, SlovoYobning Key Collektor deb nomlangan kengaytirilgan versiyasini sotib olishimiz kerak. Dasturda turli xil kontekstli tarmoqlar (Direct, Adwords va boshqalar) bilan ishlash uchun mo'ljallangan juda ko'p turli funksiyalar mavjud (yuqoridagi jadvalda ko’rgansiz).

Xulosa qilib aytadigan bo’lsak, semantika tuzishga arziydi. Bu sizning loyihangizni targ'ib qilish sifatini oshiradi va sizga, kontent reja tuzishda, foydalanuvchilarning ehtiyojlari haqida ancha yaxshi ma'lumot olish imkonini beradi.

Qanday qilib semantik yadroni bosqichma -bosqich to'g'ri tuzish kerak?

Biz semantik yadroni besh bosqichda tuzishga harakat qilamiz. Bularga quyidagilar kiradi: asosiy kalit so'zlarni qidirish va tanlash, ularni SlovoEB yoki Key Kollektor dasturida tahlil qilish (men birinchi variantdan foydalanaman), har bir so'rov uchun chastota (nechi marta so’ralgan) ni aniqlash, qo’shimchalar (quyruq) ni yig'ish, ya'ni asosiy kalit so’z tarkibida mavjud bo'lgan qo'shimcha so'rovzlar.

Masalan: “Toshkentda onlayn ravishda qora rangli divan sotib olish”, bu erda asosiy kalit, qalin qora rang bilan ajratilgan va so’rovdagi qolgan boshqa so’zlar barchasi qo’shimcha ya’ni quyruq hisoblanadi. Agar bizning maqolalarimizda nafaqat asosiy so'rov, balki ularning quyruqlari ham ishtirok etsa, demak, aynan bizning shu materialimizni foydalanuvchilar, ushbu iboralarning turli xil variantlari orqali topib kelishlari mumkin.

Xo'sh, keling endi semantika tuzishni qadamba-qadam boshlaymiz...

Boshlang’ich asosiy kalitlarni yig'ish

Boshlang’ich asosiy kalitlarni yig’ish uchun biz, Wordstat-dan foydalanamiz. Ammo bundan oldin biz, qanday mavzularda maqola yozishimiz yoki targ’ib qilishimizni mustaqil ravishda aniqlab olishimiz kerak. Men o'zim uchun quyidagi mavzularni yozaman:

  • pul ishlash
  • daromad,
  • Moliya,
  • frilanser,
  • maqola yozish.

O'ylaymanki, misol qilish uchun 5 dona etarli bo'ladi. Sizning holatingizda, bu mavzular ko'proq bo'lishi mumkin. Boshlang’ich asosiy kalitlarni yig’ishda siz, sayt bo’limlari sarlavhalaridan yoki shu bo’limlarga yozilajak maqolalar sarlavhalaridan foydalanishingiz mumkin.

Endi biz birinchi so'zni olamiz va Wordstat-ga qo’yib qidiruv beramiz. Xizmat bizga ko'p sonli turli xil so'rovlarni chastotasi (nechi marta qidirilganligi) bilan ko’rsatadi, ya'ni Yandex qidiruv tizimiga aynan shunday so'zlar bilan qilingan so’rovlar soni. Bu shunday ko'rinishda bo’ladi:

Wordstatda chastota va so'rov so'zlar qanday aniqlanadi

Ko'rib turganingizdek, bu erda ko'plab variantlar mavjud. Xizmat bizga pul ishlash so'zi bilan bog’liq eng mashhur so'rovlarni ko’rsatdi. O'ng tomonda esa, bizga yoqishi mumkin bo'lgan o'xshash variantlarni ham ko'rsatdi.

Xo’sh endi, shu yerda to’xtab, “internetda pul ishlash”, “pul ishlash yo’llari” kabi kalit so’zlardan foydalanib, maqola yozish va minglab o’quvchilar bizning noyob asarimizni (shedevr) o’qish uchun yopirilib kelishini kutish, bu albatta katta xato.

Aytgancha, brauzeringizga manabunday plaginni o’rnatib oling:

Wordstat uchun qanday plagin o'rnatish kerak

Bu plagin Wordstat bilan ishlashingizni osonlashtiradi. Uni o’rnatganingizdan keyin, kalit so’zlar yonida (+) paydo bo’ladi. Qaysi kalit sizga ma’qul va kerak bo’lsa, shu kalit so’z to’g’risidagi (+) ga bossangiz, kalit so’z chap tomonda joylashgan plagin oynasida paydo bo’ladi. Va siz barcha maqul kalitlarni olganingizdan keyin, oynachadagi barcha kalitlarni birdaniga kopiya qilib olasiz va alohida faylga saqlab qo’yasiz. Aks holda bittalab olishingizga to’g’ri keladi:

Wordstat plaginidan qanday foydalaniladi

Demak, mavzuga qaytamiz…

Shunday qilib, semantik yadroni tuzish biz o’ylaganchalik oson emas, yuqoridagi Wordstat-da berilgan kalitlar yuqori chastotali kalitlardir. Bunday kalitlar bilan biz, yuqori o’rinlarni egallay olmaymiz. Va bularni kerakmasga ham chiqarmaymiz, eng natijali rivojlanish, barcha turdagi kalit so’zlarni teng ishlatishdadir.

Endi biz yuqorida o’zimiz o’ylab topgan boshlang’ich kalit so’zlarning qolgan barchasini ham xuddi “Pul ishlash” kalit so’zini ishlatganimizdek, ularga oid so’rovlarni ham yig’ib, bir faylga joylashtiramiz. Wordstat-ning o’ng oynasidagi so’rovlardan ham o’zimizga keraklilarini yig’ib olamiz.

Birinchi qadamdan so'ng, bizda, bizning fikrimizcha va Wordstat fikriga ko'ra, eng mazali bir necha o'nlab so'rovlar ro'yxati bo'lishi kerak. So’rovlarning yozilishi jihatidan tushunarlilarini tanlab olishga harakat qiling. Menimcha bu yerda hech qanday muammo bo’lmasligi kerak.

Ro’yxatimiz taxminan quyidagi ko’rinishga ega bo’lishi kerak:

Kalit so'zlar ro'yxati

SlovoYob / Key Kollektor yordamida asosiy so'rovlarni yig’ish

Endi biz eng qizig’iga o’tamiz. SlovoYob yoki KeyKollektor yordamida barcha asosiy so’rovlarning turli ko’rinishlardagi qo’shimcha va sinonimlarini yig’ib olishimiz kerak.

KeyKollektor hammada ham bo’lmasligini hisobga olib, men barchasini SlovoYobda bajarib ko’rsataman. Birinchi navbatda dasturni bu yerdan yuklab oling va kompyuteringizga o’rnating, keyin dasturni sozlang.

Sozlash uchun yangi Yandex pochta ochishimiz kerak va pochtaga kirish ma’lumotlarimizni SlovoYob-dagi maxsus joyga kiritishimiz kerak bo’ladi. Yangi pochta ochishimizdan maqsad, agar bizga Yandex zapret qo’yadigan bo’lsa ham yangi pochtamiz zapret bo’ladi. Kerakli pochtani bu yerga kiritmagan ma’qul.

Quyidagi rasmdagiga qarab sozlab oling, login va parol o’rtasiga ikki nuqta qo’yasiz, masalan, login:parol , xuddi shunday qilib yozing va quyidagi “Сохранить изменение” tugmasiga bosing:

SlovoYobni sozlash

Demak davom etamiz…

Dasturni o’rnatib, sozlaganingizdan keyin, asosiy oynadagi yoki yuqori menyudagi tugma yordamida yangi loyiha ochamiz:

SlovoYobda loyiha qanday ochiladi

Loyiha yaratilgandan so'ng, siz Wordstat orqali semantikani yig'ishni boshlashingiz kerak (Quyidagi rasdagi 1 raqami bilan ko’rsatilgan tugmalarning, qizil tugmasi Worstat ning chap ustunidan va ko’k tugma o’ng ustunidan ma’lumot yig’adi, uchta dumaloqli tugma esa, qo’shimcha kalitlarni yig’adi). Qisqacha aytganda, dasturning o'zi Wordstat-ga ulanadi va barcha kerakli ma'lumotlarni yig’adi, siz faqat kerakli tugmani bosasiz.

SlovoYobda qanday ishlash kerak

E'tibor bering (yuqoridagi rasm), yig'ish uchun biz Wordstat-ning chap ustunidan foydalanamiz. Chap ustunda, qidiruv tizimlaridagi barcha saytlarning asosiy kalit so’zlari joylashgan. Lekin biz o’ng ustunini ham yig’ishimiz mumkin. Shunday qilib biz, juda katta miqdordagi, turli sortlardagi kalit so’zlarni yig’ib olamiz.

Demak, Wordstatdan yig’ib olgan boshlang’ich kalit so’zlar saqlangan fayldagi barcha kalitlarni dasturda ochilgan oynaga kiritamiz va «Начать сбор» tugmasini bosamiz.

Jarayon boshlanadi va dastur kerakli iboralarni o'z ichiga olgan so'rovlarni qidirishni boshlaydi. Albatta, oynaga kiritgan kalit so'zlar qancha ko’p bo’lsa, shuncha ko’p kalit so’zlar yig’ib olamiz. Lekin, oynaga kiritilgan kalitlar qancha ko’p bo’lsa, dasturning ishlash jarayoni ham ko’p vaqtga cho’zilishi mumkin. Balkim 2-3 soat, bazida sutkalab ham ishlashi mumkin. Shuning uchun men, vaqtni tejash maqsadida bitta «Internetda pul ishlash» so'rovini qoldirdim va jarayonni boshladim. Dasturning menga bergan ma'lumotlari:

SlovoYobda kalitlar qanday yig'iladi

Ko'rib turganingizdek, dastur o'z vazifasini bajardi va men nafaqat turli xil so'rovlarni, balki ularning chastotasiga ham ega bo’ldim. Biroq, xursand bo'lishga shoshilmang. Men qizil to'rtburchak bilan belgilagan ma'lumotlar umuman foydasiz yoki noto'g'ri bo'lib chiqishi ham mumkin. Bu chastotalar befoyda yoki tayanch chastota deb ham ataladi.

Agar siz bu yerdagi tayanch chastotadan foydalanib maqola yozadigan bo’lsangiz, bir necha oy ichida ham maqolani hech kim o’qimasligi mumkin. Shu sababli, biz haqiqiy ma'lumotlarni olishimiz kerak, buning uchun biz dasturning ichki funksiyalaridan foydalanamiz.

Haqiqiy chastotani olish

Chastota nima – har bir so’rovning foydalanuvchilar tomonidan nechi marta so’ralgani.

Kalit so'zlar va iboralarning haqiqiy chastotasini olish uchun biz SlovoYob yoki Key Kollektor-ning o'rnatilgan funksiyalaridan foydalanishimiz mumkin. Ushbu maqolada biz SlovoYob-dan foydalanayotganimiz sababli, men hamma narsani uning misolida tushuntiraman. Key Kollektor-da bu jarayon deyarli farq qilmaydi. Faqat yangi versiyalarda elementlarning joylashuvi o'zgargan xolos. Lekin aminmanki, siz buni aniqlay olasiz.

SlovoYob-da biz quyidagi tugmalardan foydalanamiz, bizga keragi eng quyisidagi:

SlovoYobda kalit chastotasi qanday aniqlanadi

" " – Chastotasi, faqat qo’sh tirnoq ichida joylashgan so'zlarga mos keladi. Qo’shimcha va joylashuvi boshqacha bo'lishi mumkin.

! – Chastotasi, qo’shimcha va so’z joylashuvi o’zgarmas aniq kirish kaliti.

Biz barcha kalitlarni galochka bilan belgilab “Сборь частотность “!” “ yozuviga bosamiz va quyidagi chastotalarga ega bo’lamiz:

So'roq so'zlar chastotasini aniqlash

Ikki ustun orasidagi farqni o'z ko'zingiz bilan ko'rishingiz mumkin. «Internetda pul ishlash» so'rovining haqiqiy chastotasi tayanch chastotasidan (birinchi ustun) deyarli 1 baravar kam. Boshqa so’rovlarda bundan ham sezilarli bo’lishi mumkin. Shuning uchun, har safar semantikani yig’ganingizdan keyin, albatta haqiqiy chastotani aniqlaydigan dasturlardan foydalaning.

So'rovlarni tozalash sizga, Yandex foydalanuvchilaridan kelib tushadigan so'rovlar chastotasi to'g'risida ishonchli ma'lumotlarni olish imkonini beradi.

Aniq ma'lumotlarni olish jarayoni tugagach, keraksiz, ya’ni chastota umuman yo’q yoki juda kam (10 tagacha) so'rovlarni topish va ularni alohida papkaga ko’chirish uchun tez filtrdan foydalanishingiz mumkin (bu funksiya SlovoYobda yo’q). Yoki bu ishni qo’lda qilishingiz mumkin.

Bizga foydalanuvchini ko’p olib keladigan kalit so’zlar kerak. Agar saytingiz hali yosh bo’lsa, juda ko'p mashhur saytlar foydalanadigan yuqori chastotali kalitlarni olishga shoshilmang. Bunday chastotalar 1000 dan yuqori bo’lishi mumkin.

Albatta, biz barcha so'rovlarning raqobatbardoshligini ham tekshiramiz. Biroq, agar so'rovlar chastotasi bir necha o'n minglab bo'lsa, undabu so’rov bo’yicha raqobatchilar ham juda ko'p bo'ladi.

So'rovlarni klasterizatsiyalash

Yuqorida aytganimdek, yadro – ko’p turdagi so’rovlar ro’yxati bo’lib, odatda ma’lum bir turga ko’ra guruhlarga bo’linadi. Guruhlarga bo’linishi esa, klasterizatsiya deyiladi.

Endi biz butun semantik yadroimizni, aniqrog'i undagi kalitlarni guruhlarga bo'lishimiz kerak. Men ushbu material doirasida, faqat chastota bo'yicha bo'laman, eng mashhur variant va deyarli hamma joyda qo'llaniladi. Bundan tashqari ma’no mazmun va raqobatbardoshliligi jihatidan ham guruhlarga bo’lish mumkin.

Biz barcha so'z va iboralarni yuqori chastotali (YCH), o'rta chastotali (O’CH), past chastotali (PCH) va mikropast chastota (MPCH) larga bo'lishimiz mumkin. Menimcha, guruhlash tamoyilini tushuntirishga hojat yo'q. Biroq, taxminiy o’lchovlarni ko'rsatish kerak. Runetda bu ko'rsatgichlar taxminan quyidagicha:

  • YCH – yuqori chastota – 10 000 dan yuqori so’rov (Bir oyda);
  • O’CH – o’rta chastota — 1 000 dan 10 000 gacha;
  • PCH – past chastota – 1 000 gacha;
  • MPCH – mikro past chastota – 100 gacha.

Bizda aholi sonini va o'zbek tilida gapiradigan va o'zbek tilida internetdan ma'lumot qidiradiganlarni Runet foydalanuvchilari bilan solishtirganda ancha kam bo'lishi mumkin. Mening taxminiy kuzatuvlarim bo'yicha quyidagicha bo'lishi mumkin:

  • YCH – yuqori chastota – 1 000 dan yuqori so’rov (Bir oyda);
  • O’CH – o’rta chastota — 500 dan 1 000 gacha;
  • PCH – past chastota – 500 gacha;
  • MPCH – mikro past chastota – 50 gacha.

Raqamlar umumiy qabul qilingan o'ta sub'ektiv va taxminiy. Agar bu ko'rsatgichlarni inkor qiluvchilar bo'lsa, marhamat izohlarda o'z variantlaringizni yozing.

Chastota bo’yicha guruhlash, foydalanuvchilarning nechi marta qidirganliklaridan kelib chiqib, barcha so’rovlarnining guruhlarga aralashmasidek ko’rinadi. Bularni biz oldingi qadamda yigib oldik, endi guruhlarga bo’lishhimiz qoldi xolos.

Bu erda siz so'rovlar chastotasiga emas, balki raqobat asosida, ya'ni aynan shu so’rovlarni ilgari surayotgan saytlar soniga qarab, yana bir nechta guruhlarni bo’lishingiz mumkin.

Yuqori raqobatbardosh (YR), o'rta (O’R) va past raqobatbardosh (PR) so'rovlar mavjud. Biz barcha so’rovlarni aynan shunday turli guruhlarga ajratishimiz mumkin va bu hatto afzalroq bo’ladi. Saytimizni yanada samarali targ'ib qilish uchun bizga eng yuqori chastotali va eng kam raqobatli so'rovlar kerak. Albatta, bu ideal holda.

So'rovlarni guruhlarga bo’lishda avtomatlashtirilgan vositalardan (onlayn xizmatlar), yoki o'z qo'llaringiz bilan amalga oshirishingiz mumkin.

Ozingiz o’ylab ko’ring, minglab so’rovlarga qo’lda ishlov berish – odam jinni bo’lib qolishi mumkin – buning iloji ham yo’q, qolaversa 21 asrda. Sizning asablaringizni asrash maqsadida, barcha kalit so’zlarni guruhlarga bo’lish uchun avtomatik xizmatlardan foydalanishni maslahat beraman.

Internetda bunday xizmatlar unchalik ko'p emas. Juda yaxshilari yanayam kam. Hozirgi kunda, bir necha yillardan buyon Runetda, semantikani yigish va klasterizatsiya qilish bo'yicha ma’qul deb topilgan xizmatlardan biri Muutagenni, men ham sizga tavsiya qilmoqchiman. Uning yordamida, yuqorida aytilgan barcha ishlarni ortig’i bilan bajarish mumkin.

Bu onlayn xizmat pullik, lekin uni ba'zi cheklovlar bilan tekin ishlatish mumkin. Tekshiruv kuniga 10 tadan oshmasligi kerak. Agar pullik versiyasini ishlatganda ham qimmatga tushmaysiz. 100 ta tekshiruv atigi 30 rubl turadi va bir tekshirgan so’rovingizni qayt-qayta tekshirish bepul bo’ladi.

Mutagenni ishlatishda hech qanday muammo bo'lmasligi kerak. U erda barchasi tushunarli, lekin interfeys rus tilida. Bu xizmat bilan ishlash asoslarini tushuntiradigan kichik FAQ ham mavjud. Agar tushunmovchiliklar bo’lsa, izohlarda yozsangiz, bu xizmat yuzasidan alohida maqola yozishim ham mumkin.

Tezroq klasterlash uchun siz ommaviy tekshiruvdan foydalanishingiz kerak. Minglab so’rovlarni bittalab tekshirmaymizku. Ommaviy tekshiruvni amalga oshirish uchun siz xizmatda ro'yxatdan o'tishingiz kerak va shundan keyingina ommaviy tekshirish o’tkazishingiz mumkin.

SlovoYob – da raqobatbardoshlikga oid barcha ma’lumotlarni olib bo’lganingizdan keyin, kalitlarni nusxalaysiz va Mutagenga qo’yib, guruhlarga ajratasiz.

Qo’shimcha so’rov (quyruq, dum) qidirish

Nihoyat, biz eng mazali kalitlarni yig’ib olganimizdan keyin, dumlarni (qo’shimcha) qidirishga harakat qilishimiz kerak. Biz kerakli so'rovni Yandex va Google-ga kiritamiz va ular bizga o’zlari barchasini ko’rsatadi, masalan:

Yandexda qo'shimcha kalit so'zlarni izlash

Googleda qo'shimcha so'rov so'zlar qanday izlanadi

Ko'rib turganingizdek, unchalik ko’p emas. Siz aytishingiz mumkin, o’zi oz ekan, kerakmi shu deb, haqiqatdan ham aqlli Yandex o'zi bizning manbamizni qo’shimcha so'rovlar bilan birga TOPga chiqarmaydimi?((( Balkim chiqarar, qachonki, agar sizning manbangizda shunday quyruqlar ishtirok etgan materiallar bo'lsa, ehtimol sizning saytingiz ushbu so'rovlar natijalarida birinchi TOP-3 dan joy olar.

Qo’shimcha so'rovlar yordamida targ'ib qilish, ayniqsa, yosh saytlar uchun juda muhim. Chunki, bunday manbalarga hali ishonch yo'q, lekin agar maqolaning biron bir joyida kalit bo'lsa, ehtimol Yandex va Google hatto ishonchsiz manbani ham yuqori o’rinlarga qo’yishi mumkin. Qidiruv tizimlari uchun har bir foydalanuvchi o'zi izlagan malumotini olishi muhim. Shuning uchun, semantik yadroingizga quyruqli so'rovlarni qo'shishga arziydi.

Afsuski, dumlarni yig'ish qo'lda bajarilishi kerak. Ammo siz minglab kalitlarning quyruqlarini tahlil qilishga urinmasligingiz kerak. Buni tanlangan holda qiling, tashrif buyuruvchilaringiz uchun nima qiziq bo'lishi mumkinligini yodda tuting.

Xulosa

Ko'rib turganingizdek, semantik yadroni atigi 5 bosqichda yig'ishingiz mumkin. Albatta, bu yo'riqnomada tayanch ma'lumotlarni o'rganishga va eng oddiy semantikani tuzishga yordam beradigan asosiy ma’lumotlar berilgan. Ammo juda jiddiy loyihalar uchun tegishli yondashuv talab etiladi. Masalan, kalit so'zlarni klasterizatsiya qilishda, siz ularni nafaqat YCH ​​va MPCH, yoki YR va PR ga, balki tijorat va notijoratga bo'lishingiz kerak bo'ladi. Yoki hatto mintaqani hisobga olgan holda guruhlarga bo’lish mumkin.

Bularning barchasi, albatta, ko’p vaqt talab etadi, lekin agar siz semantikani mustaqil o’zingiz yig’sangiz, uni tahlil qilsangiz va umuman qidiruv tizimlarida ishlar qanday tashkil topganligini o’rgana borsangiz, vaqt o'tishi bilan sizga asta–sekin tushuncha kela boshlaydi. Siz har xil jarayonlar uchun barcha yangi vositalarni topasiz, semantikani yig'ish va uning guruhlanishini hech qanday qiyinchiliklarsiz tez fursatlarda bajarishingiz mumkin bo’ladi. Agar siz bunga juda qiziqsangiz albatta.

Shu bilan bugungi maqola tugadi, tushunmaganlaringiz bo’lsa, izohlarda qoldiring, albatta tushuntirishga harakat qilaman. Balkim, butun savollarni yig’ib, alohida maqola yozarman. Xayr!

Baholashni unutmang!
( 1 оценка, среднее 5 из 5 )
Умиджон Обудов/ автор статьи

6 йилдан буен интернет оркали ишлайман ва турли йуналишларда даромад манбаларини яратаман. Интернетда узимнинг шахсий бизнесимни куряпман ва фаол сармоя киритяпман.

Ushbu ma'lumotlar yoqdimi? Iltimos, do'stlaringiz bilan o'rtoqlashing:
Izoh qo'shing! Albatta javob olasiz!

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: