Elektron hamyon nima: Webmoney qanday ochiladi va ishlatiladi, O’zbekistondagi faoliyati

Assalomu Aleykum, azizlar! Bugun siz bilan ko’p vaqtdan beri yozmochi bolgan maqolam bilan bo’lishaman. Oldingi maqolalarimda turli xil internet kasblar va internet xizmatlari haqida gaplashdik. Endi esa, ana shu xizmatlar uchun to’lovlarni amalga oshirishda sizga qo’l keladigan elektron hamyonlar haqida gaplashamiz.

Elektron hamyon internetda turli xil moliyaviy operatsiyalarni amalga oshirish imkonini beradi. Ular naqd pulsiz hisob-kitob qilish, turli tovarlar sotib olish, xizmatlar va pul o’tkazmalari uchun to’lovlarni amalga oshirishga yordam beradi.

Elektron hamyon nima?

Sodda qilib aytganda, elektron hamyon — bu elektron pul saqlanadigan joy. Elektron pul birligining biz biladigan puldan farqi shundaki, u qog’oz pul emas va u elektron hamyonda saqlanadi.

Elektron hamyonlar internetda joylashgan ma’lum bir moliya instituti tomonidan boshqariladi. Albatta, barcha bunday tashkilotlar litsenziyalangan va korxonalar sifatida ro’yxatga olingan bo’ladi, shuning uchun ular ishonchlilik nuqtai nazaridan an’anaviy banklarga tenglashtiriladi, ba’zilari esa ulardan ancha ustun turadi.

Freelancerlar orasida elektron pullar ayniqsa mashhur – chunki, maoshni olish yoki, to’lovni darhol amalga oshirishda ortiqcha soliq va komissiyalar olinmaydi.

Elektron hamyon tanlash uchun bir nechta maslahatlar

Elektron hamyonni tanlashga ko’p vaqt ajratilishi kerak. Faqat shunday sharoitda siz virtual puldan foydalanish jarayonini sodda va qulay qiladigan, haqiqiy daromad keltiradigan moliyaviy mahsulotni olishingiz mumkin.

• Avvalo, qaysi shartlar siz uchun muhim va qaysi shartlar e’tiborsiz qoldirilishi mumkinligini aniqlab olishingiz kerak.
• Agar siz Amerika yoki Evropa internet-do’konlarida tovar sotib olishni xohlasangiz, faqat so’mda hisob raqamlarni ochadigan elektron to’lov tizimlari sizga mos kelmaydi.
• Bankomatlarda valyutani almashtirish yoki naqd pulni olish uchun, to’lov tizimining komissiyasini taqqoslashni maslahat beramiz. Bundan tashqari, oddiy bankomat yoki, to’lov terminallari orqali hisobingizni to’ldirish mumkin yoki yo’qligini aniqlash lozim. Ba’zi to’lov tizimlari pullarni faqat telefon orqali qabul qiladilar.
• Shuningdek, siz elektron hamyondan naqd pul olmoqchimisiz yoki faqat internetda to’lovlarni amalga oshirasizmi? degan savolga javob berishingiz kerak. Agar sizga naqd pul kerak bo’lsa, o’z kartalarini chiqaradigan yoki bankingiz bilan hamkorlik qiladigan elektron hamyonni tanlang. Aks holda, naqd pul olish qiyin bo’lishi mumkin, chunki valyuta ayirboshlash shahobchalarida naqd pul olish uchun juda yuqori komissiyalar belgilangan.
• Internetda shaxsiy ma’lumotlarni himoya qilish choralariga rioya qiling. Masalan, elektron hamyonni ro’yxatdan o’tkazish uchun ko’p odamlarga ma’lum bo’lgan telefon raqamidan foydalanmang. Elektron hamyonni ochishning soddaligi teskari tomonga ega ekanligini unutmang — agar siz hisob qaydnomasini ro’yxatdan o’tkazishda foydalangan barcha ma’lumotlarni yo’qotib qo’ysangiz, uni tiklash qiyin bo’lishi mumkin.

Webmoney.uz O’zbekistonda rasmiy faoliyatini boshladi

WebMoney Transfer-1998 yilda tashkil etilgan xalqaro hisob-kitob tizimi bo’lib, tarmoqda biznes yuritish uchun qulay muhit yaratadi. Xozirgi paytda tizimga 39 milliondan ortiq kishi a’zo bo’lgan.

WebMoney Transfer Xalqaro hisob-kitoblar tizimi 2019- yilning yozidan boshlab  O’zbekiston bozoriga kirganini e’lon qildi va o’zbek so’mida WMY-hamyonini taqdim etdi.

WMY nom belgilaridan foydalanib siz mobil aloqa, internet, kommunal xizmatlar, onlayn o’yinlar va boshqa xizmatlar uchun to’lovlarni amalga oshirishingiz mumkin.

WMY-hamyonni UzCARD bank kartalari, OSON to’lov tizimi va PAYNET.UZ mobil ilovasi, shuningdek, naqd pul bilan PAYNET va bankomatlarni, qabul qilish punktlari orqali to’ldirish mumkin.

Hamyondan mablag’ni UZCARD kartalariga yoki bank hisobiga chiqarish mumkin. O’zbekiston bo’ylab, Webmoney hamyonni to’ldirish yoki, yechib olish punktlari manzili va web saytlarini manabu yerda ko’rishingiz mumkin.

Bundan tashqari, WMYni tizimdagi har qanday boshqa valyuta nomlariga almashtira olasiz. Va butun dunyo bo’ylab 100 mingdan ortiq onlayn-do’konlarda to’lovlarni amalga oshirish imkoniyatiga ega bo’lasiz.

Mahsulotlarni eksport qilishdan manfaatdor bo’lgan o’zbek tadbirkorlariga WebMoney tizimi xorijiy mijozlardan dollar, yevro, rubl va boshqa valyutalarda to’lovlarni qabul qilish imkonini beradi.

O’zbekistonda WebMoney tizimining garanti maqomini, OSON to’lov tizimini ishlab chiquvchisi sifatida tanilgan «Brio Group» MCHJ kompaniyasi oldi.

Webmoney elektron hamyoni qanday ochiladi?

WebMoney elektron hamyonini ochish, uning rasmiy web sayti, yoki, mobil telefonlar uchun, WebMoney Keeper ilovasi orqali amalga oshiriladi. Keling, hozir men sizga birinchi navbatda, uning rasmiy web sayti orqali ochish va “formalniy attestat”ini olishni, rasmlar ketma-ketligida ko’rsatib o’taman va keyin, WebMoney Keeper ilovasi orqali telefoningizda qanday ochishni ko’rsataman.

Demak boshladik, choyni damlab, qulayroq o’tirib oling… Rasmlarda ko’rsatilgan raqamlar ketma-ketligidagi vazifalarni men bilan birgalikda bajarib boring!

WebMoney rasmiy web saytida ro’yxatdan o’tish va “Formalniy attestat” maqomini olish

Buning uchun manabu rasmiy saytiga kiring va quyidagi rasmda ko’rsatilgan raqamlar ketma-ketligidagi vazifalarni bajaring:

DIQQAT ESLATMA: Barcha haqiqiy malumotlaringizni kiriting. Aks holda turli qiyinchiliklar kelib chiqishi mumkin. Parol, login va boshqa ma’lumotlaringizni yo’qolmaydigan bir joyga yozib boring!

1. Agar sizga rus tilida tushunish qiyinchilik tug’dirsa, “1” raqami bilan ko’rsatilgan joydan sahifa tilini o’zgartirishingiz mumkin.
2. Ro’yxatdan o’tish tugmasiga bosing
3. O’z mamlakatingizni tanlang
4. Telefon raqamingizni kiriting
5. Suratdagi belgilarni quyidagi katakchaga kiriting
6. “Davom etish” tugmasini bosing.

Va sizning telefoningizga tasdiqlash kodi yuboriladi, siz u kodni quyidagi rasmda ko’rsatilgan katakchaga kiriting va “Davom ettirish” tugmasiga bosing:

Sizga quyidagi oyna ochiladi:

1. Ishinchli parol o’ylab toping va “1” raqami bilan ko’rsatilgan katakga kiriting
2. Birinchi katakga kiritgan parolingizni, ikkinchi katakga qayta kiriting
3. Katakchani belgilang
4. Katakchani belgilang
5. “Davom ettirish” tugmasiga bosing.

Va shu bilan ro’yxatdan o’tish jarayoni tugadi hisob, lekin, siz hamyoningizdan foydalanishingiz uchun, shaxsiy kabinetingizga kirib, o’zingizning shaxsiy ma’lumotlaringizni kiritishingiz, o’zingizga kerak bo’lgan valyutadagi hamyonlarni ochib olishingiz kerak bo’ladi.

Agar siz shaxsiy kabinetga qanday kirishni bilmasangiz quyidagi tugmaga bosing:

Shaxsiy kabinetga kirish uchun qo’llanma

Shaxsiy ma’lumotlaringizni kiritish uchun, quyidagi rasmda “2” raqami bilan ko’rsatilgan raqamlar ustiga bosing va qayta “avtorizatsiya” qiling (shaxsiy kabinetga kiring):

Quyidagi rasmdagi amallarni raqamlar ketma-ketligida bajaring:

Quyidagi amallarni ham, ketma-ketlikda bajaring:

Va sizga quyidagi oyna ochiladi, u yerdan ko’k ssilka ustiga bosing:

Quyidagi rasmda strelka bilan ko’rsatilgan joyga bosing:

“Продолжить” tugmasiga bosing:

Quyidagi barcha kataklarni, o’zingiz haqingizdagi haqiqiy ma’lumotlar bilan to’ldiring va “Продолжить ввод данных” tugmasiga bosing:

Pasportingizning amal qilish muddatini, quyidagi rasmda ko’rsatilgan katakchaga kiriting va yana “Продолжить ввод данных” tugmasiga bosing:

Bu yerda siz, pasportingizning asosiy betini, yani, suratingiz va malumotlaringiz bo’lgan betini rasnga tushirib yuklashingiz kerak bo’ladi. Surat rangli tasvirda bo’lishi kerak. Rasmga sifrovoy fotoapparat yoki, telefoningizda tushirishingiz ham mumkin. Rasmniyuklash uchun, “Загрузить скан паспорта” tugmasiga bosing (quyidagi rasm):

Rasmni tanlang (quyidagi rasm):

Quyidagi rasmdagi “1” va “2” raqamlari bilan ko’rsatilgan amallarni bajarib, ishni yakunlang:

1-2 ish kunida, hujjatlaringiz tekshiruvdan o’tadi va pochtangiz orqali sizga xabar beriladi. Ha aytgancha, pochtangizni manabu yerda qo’shib qo’ying! Pochta qanday ochilishini bilmasangiz manabu maqoladan o’qib, o’zingizga pocha ochib oling. Ishonavering, pochta sizga har doim kerak bo’ladi.

Endi, bir ikki kundan keyin, (hujjatlaringiz tasdiqdan o’tgandan keyin) o’zingizga kerakli hamyonni ochib, foydalanishingiz mumkin bo’ladi. Buning uchun siz, shaxsiy kabinetingizga kirasiz va quyidagi rasmda “2” raqami bilan ko’rsatilgan joyga bosasiz:

Sizga quyidagi oyna ochiladi. Shu yerdan o’zingizga kerak bo’lgan hamyonni ochib olasiz, hamyon ochish juda oson, o’ylaymanki o’zingiz uddalaysiz. Raqamlar ketma-ketligida kirib borasiz. Shu tariqa bir necha turdagi valyutalar hamyonini ochishingiz mumkin:

Shu bilan rasmiy web sayti orqali WebMoney elektron hamyonini ochish va “Formalniy attestat” maqomini olish ishlarimiz tugadi. Keying maqolalarimizda, “Начальный аттестат” hamda ”Персональный аттестат”larni qanday olish kerak va ularning qanday imtiyoz va foydalari borligi haqida gaplashamiz.

Bu yamyonning, ishbilarmonlar, savdo bilan shug’ullanadiganlar va biznesmenlar uchun, imtiyozlari va foydasi, quyidagi suratda yaqqol ko’rinib turibdi:

WebMoney electron hamyonini, telefonlar uchun, WebMoney Keeper ilovasi orqali ochish

Hamyonni ochish uchun,  Android, yoki, IOS tizimli telefoningizga, Webmoniy Keeper ilovasini, “Googly Play”, yoki, “App Store”idan foydalanib,  yuklab olasiz va ro’yxatdan o’tasiz.

Bu yerda hamyon ochish uchun sizga faqatgina telefon raqamingiz kerak bo’ladi. Unga kelgan kodni kiritib xohlagan hamyoningizni ochishingiz mumkin.

Ilovani yuklab olganingizdan keyin, telefon menyusida, Keeper rasmi ustga bosasiz va quyidagi rasmda ko’rsatilgan amallarni bajarasiz:

Sizga quyidagi oyna ochiladi, bu yerda, telefoningizga kelgan kodni kiritasiz va “Далее” tugmasini bosasiz:

Sizga yana keyingi oyna ochiladi va unda ko’rsatilgan raqamlarni, quyidagi katakchaga kiritasiz va “Далее” tugmasini bosasiz:

Tamom. Shuning bilan siz, tizimda ro’yxatdan o’tdingiz hisob. “Настройка”bo’limiga kirib, to’rtta sondan iborat bo’lgan parol o’ylab topib, yozib, saqlab qo’ying. Va har safar ilovani ochganingizda, shu to’rttalik parolni kiritishingiz kerak.

DIQQAT: Parolni unutib qo’ymaslik uchun, alohida bir joyga saqlab qo’ing. Albatta, begonalar ko’zi tushmaydigan joyga!

Elektron hamyonlarning afzalliklari

Elektron pullar boshqa bank mahsulotlaridan ajratib turadigan ko’plab afzalliklarga ega:

1. Elektron hamyon yaratish uchun , kompaniya ofisiga borib navbatda turishingiz shart emas , chunki, odatda bunday kompaniyalar, hamyon ochish va boshqa masalalarni hal qilishni, internet orqali, masofadan turib amalga oshirishni yo’lga qo’ygan bo’ladi.
2. Elektron hamyonlar odatda ma’lum bir mamlakatga bog’liq bo’lmaydi va dunyoning istalgan nuqtasida turib boshqarish mumkin.
3. E-hamyonni ochish va texnik xizmat ko’rsatish mutlaqo bepul. Istisno faqat, karta chiqarish, bo’lishi mumkin. Elektron to’lov tizimlari ham, banklarga o’xshab — bankomatlardan naqd pul olish imkonini beruvchi kartalar bilan o’z mijozlarini taminlaydi.
4. Foydalanish uchun haq olinmaydi. Elektron hamyoningizni ochib bo’lgach, siz bu haqda unutishingiz va faqat, kerak bo’lganda eslashingiz mumkin. Banklarda esa, hisob raqamni yopishni unutib, qarzga xizmat ko’rsatish bilan bog’liq ko’plab muammolarga duch kelishingiz mumkin.
5. Elektron pullar orqali har qanday tovarlar va xizmatlar, shu jumladan ma’lum bir bankdan to’lash mumkin bo’lmagan narsalar uchun to’lovni amalga oshirishingiz mumkin. O’zbekistonning banklari G’arbiy bozorlarda ishlashga yaxshi moslanmagan, aksariyat hollarda elektron hamyonlar dunyoning istalgan nuqtasida mukammal ishlaydi.
6. Valyuta almashtirish — banklarga qaraganda ancha arzon.
7. Elektron hamyonga pul tashlash tez va oson amalga oshiriladi, bank kartasiga pul solish esa ko’p vaqt talab qilishi mumkin. Bank operatsiyalariga xos bo’lgan buyrokratik jarayonlar bu yerda yo’q. Ish kunlari, dam olish yoki, ta’til kunlari ham foydalana olish imkoniyatiga ega bo’lasiz.

Webmoney attestat nima uchun kerak

Elektron hamyon ochganingizdan so’ng, siz  dastlab taxallus (псевдоним ) attestatiga ega bo’lasiz. Bu webmoney tizimidagi eng past darajali attestatdir. Va bu, barcha imkoniyatlardan foydalana olmasligingizni anglatadi. Shuning uchun kamida “rasmiy” attestat olish kerak:

Rasmiy attestat nafaqat pul sarflash va pul o’tkazish, balki WebMoney Transfer tizimining barcha xizmatlaridan foydalangan holda onlayn rejimda ishlashni istagan biznes va ilg’or xususiy foydalanuvchilar uchun tavsiya etiladi.

Shaxsiy attestat tizimning boshqa ishtirokchilari tomonidan yuqori darajadagi ishonchni ta’minlaydi, chunki, pasport ma’lumotlaringiz asl nusxalarini (yoki notarial tasdiqlangan nusxalar) taqdim etgan holda tekshiriladi.

Shaxsiy attestat quyidagilarni bajarishga imkon beradi:

• Hamyonlarni to’ldirish, boshlang’ich va rasmiy attestatlar egalari uchun cheklovli tizimdan pul olish;
• Kredit birjasi faoliyatida ishtirok etish;
• Merchant WebMoney Transfer xizmati interfeyslaridan foydalanib, xaridorlarning mablag’larini qabul qilishni avtomatlashtirish;
• Escrow xizmatidan foydalanish — WebMoney Transfer tizimi ishtirokchilari o’rtasida xavfsiz tranzaktsiyalarni ta’minlash xizmati;
• Tizimning turli saytlarida yangiliklarni joylashtirish;
• Katalogning har qanday bo’limlarida internet resurslarini ro’yxatdan o’tkazish va boshqalar.

Rasmiy attestatlarni qanday olishni keying maqolalarimizdan bilib olishingiz mumkin.

Xulosa

Elektron hamyonlar tizimi doimiy rivojlanmoqda. Inson hayotining barcha sohalari elektron to’lov tizimlariga jalb qilinyapdi. Virtual pul bilan to’lanadigan xizmatlar va tovarlar ro’yxati har kuni to’ldirilib borayapti. Ko’pgina to’lov tizimlarining rasmiy saytlarida siz ularning ro’yxatini ko’rishingiz mumkin.

Mana endi siz, bemalol o’z elektron hamyoningizni ochib, uning imkoniyatlaridan bemalol foydalanishingiz mumkin. Maqolam sizga yoqdi degan umiddaman. Hamyon ochishda duch kelgan qiyinchiliklaringiz bo’lsa, bemalol murojaat qiling, albatta, qo’limdan kelganicha yordamlashaman.

Fikr- mulohazalaringiz va elektron hamyonlar bilan ishlash tajribangiz bilan izohlarda bo’lishing. Birga muhokama qilamiz. Keyingi maqolalarda uchrashguncha hayr! E’tiborlaringiz uchun, katta raxmat.